Atyraý oblysynda 10 eldi meken jaryqsyz otyr
ATYRAÝ. QazAqparat – Atyraý oblysynyń 10 aýylynda elektr energııasy áli qosylǵan joq, dep habarlaıdy QazAqparat.
Buǵan deıin Atyraý oblysynda 38 myńnan astam abonent jaryqsyz qalǵanyn jazǵan edik.
Oblystyq tótenshe jaǵdaılar departamenti baspasóz qyzmetiniń málimetinshe, Qurmanǵazy aýdanynyń 16 aýylynda elektr energııasy 5 naýryzda túngi saǵat 5:30-da sóngen. Buǵan elektr jelisindegi aqaý sebep bolǵan.
«Búgin, 6 naýryzda jergilikti ýaqytpen saǵat 20:00-degi málimetke sáıkes, 5 140 abonentke elektr energııasy berildi. Al, Teńiz, Birlik, Safon, Kýdrıashov, Kóptoǵaı, Eńbekshi, Maqash, Aqkól, Qıǵash jáne Jylandy aýyldyq okrýgterinde aqaýdy jóndeý, qalpyna keltirý jumystary jalǵasyp jatyr. Bul jumysqa «Atyraý-Jaryq» AQ-nyń 10 brıgadasy, 60-qa
jýyq jumysshy men 23 tehnıka tartyldy», -dep habarlady óńirlik kommýnıkatsııalar qyzmeti.
