Atyraý oblysynda 10 adam sýdan ajal qushty
ATYRAÝ. QazAqparat - Atyraý oblysynda shomylý maýsymy bastalǵaly 10-ynshy adam sýǵa ketti, dep habarlaıdy QazAqparat tilshisi.
Búgin tańerteń ózenge batyp ketken er adamnyń denesi tabyldy.
«1976 jyly týǵan er azamattyń denesi búgin tańerteń saǵat 08.05-te Atyraý qalasyndaǵy Kóktem yqshamaýdanyndaǵy Jaıyq ózeninen tabyldy. Іzdeý jumystaryna Batys óńirlik aeroutqyr jedel-qutqarý jasaǵynyń 6 qyzmetkeri men arnaıy qaıyqtar jumyldyryldy. 1976 jylǵy er azamat sýǵa túsýge tyıym salynǵan jerde batyp ketken. Arnaıy jasaq qutqarýshylary máıitti sýdan shyǵaryp, polıtsııa qyzmetkerlerine tapsyryldy», - dep habarlady oblystyq TJD baspasóz qyzmetinen.
Aıta keteıik, shomylý maýsymy bastalǵaly Atyraý oblysynda osymen 10-ynshy adam sýǵa ketti. Taldykól kentindegi 8 jasar balanyń denesi áli tabylmady. Іzdeý jumystary jalǵasýda.
