Atyraý oblysynda 1 jastaǵy 1970 bala balabaqshaǵa baryp júr
ATYRAÝ. QazAqparat – Atyraý oblysyndaǵy 48 bóbekjaı-balabaqshaǵa 1 jastaǵy 1970 sábı baryp júr, dep habarlaıdy QazAqparat.
Al, Qyzylqoǵa aýdanyndaǵy «Nurshýaq» bóbekjaı-balabaqshasynyń meńgerýshisi Baqytjamal Jumabaevanyń aıtýynsha, 1 jastaǵy balalar 2014 jyldan beri qabyldanady. Qazir munda 80 adam jumys isteıdi. Onyń ishinde 36 pedagog bar. Olar 250 balaǵa mektepke deıingi tárbıe beredi. Al, kezekshi topqa 130 búldirshin kelip júr.
«Bizdiń balabaqshanyń ereksheligi – balalardyń oı-órisin erte jastan damytý. Bir jastan bastap qabyldanǵan bóbekter tórt topta tárbıelenedi. Olarǵa tájirıbeli mamandar tálim berýde. Psıholog, bı úıretetin jetekshisi bar», - deıdi Baqytjamal Jumabaeva.
Erte jas tobynyń tárbıeshisi Gúljazıra Kenjebaıqyzynyń pikirinshe, 1 jastaǵy balalarǵa negizinen ashyq oqý sabaǵy ótkiziledi.
«Maqsatymyz – bóbektiń tyńdaý, sóıleý qabiletin jetildirý. Ertegiler, saýsaq oıyny arqyly da qyzyqty áńgimeler aıtylyp, taqpaqtar jattaıdy. «Kim shapshań?», «Kim tapqyr?» syndy toptyq oıyndar ótkiziledi. Ár topta on baldyrǵan bar», - deıdi ol.
Eske sala ketelik, budan buryn 13 myń atyraýlyq baldyrǵan balabaqshadaǵy kezekshi topqa baratynyn habarlaǵan edik.
