Atyraý oblysynda 1 myńnan astam jumysshynyń 586 mln teńge jalaqy qaryzy óteldi
Oǵan oblys ákimi Serik Shápkenov, memlekettik organdar men munaı kompanııalarynyń basshylary qatysty.
«Prokýratýra qyzmetkerleri qadaǵalaý jumystarynyń nátıjesimen 20-ǵa jýyq kásiporyn ákimshilik jaýapqa tartyldy. Máselen, «Inter Tasko», «Gold Construction», «Vest Dala», «KMG-Sekıýrıtı» jáne basqa da mekemelerde jumysshylardyń eńbek qaýipsizdiginiń buzylýy, eńbekaqynyń ýaqtyly tólenbeýi, eńbekaqy mólsherin arttyrý, jumyspen qamtý salasynda bolǵan quqyq buzýshylyqtar joıyldy. Biliktilik talaptary men laýazymdary sáıkes kelmeıtin 200-den astam shetel jumysshysynyń ruqsaty keri qaıtaryldy. Zańsyz eńbek qyzmetin júzege asyrǵan 18 shetel azamaty Qazaqstan Respýblıkasynyń aýmaǵynan deportatsııalaý arqyly shyǵaryldy. Óńirde 1 myńnan astam jumysshynyń quqyǵy qorǵalyp, olardyń 586 mln teńge jalaqy qaryzy óndirildi», - dedi oblys prokýrory Baýyrjan Jumaqanov.
Oblys ákimi Serik Shápkenovtiń aıtýynsha, azamattardyń eńbek quqyqtaryn qorǵaý basty nazarǵa alynyp otyr.
«Prezıdent Qasym-Jomart Toqaev adam quqyǵyn qorǵaýdy eń mańyzdy másele dep belgiledi. Ár adam quqyǵy men qyzmetine saı jalaqy alǵany jón. Bul úshin jumysshylarǵa qolaıly jaǵdaı jasaýymyz kerek. Sondyqtan, prokýratýraǵa arnaıy kelip, zańdylyqtyń saqtalaýyn qadaǵalaıtyn organ retinde osy máseleni qozǵap otyrmyn. Biz birlesken jumysty júrgize beremiz», - dedi Serik Shápkenov.
Eske sala ketelik, budan buryn Atyraý oblysynda ekologııany búldirgender 270 mln teńge aıyppul tóleıtinin jazǵan edik.
