Atyraý oblysynda 1 677 adamnan saýsaq izi alyndy
ATYRAÝ. QazAqparat – Atyraý oblysynda polıtsııaǵa jetkizilgen 1 677 adamnan saýsaqizi alyndy, dep habarlaıdy QazAqparat.
Oblystyq polıtsııa departamentiniń bastyǵy, polıtsııa polkovnıgi Qamza Úmbetqalıevtiń aıtýynsha, 7 qyrkúıekten beri «Ýchaske» jedel-profılaktıkalyq is-sharasy ótip jatyr.
Bıylǵy 1 jeltoqsanǵa deıin jalǵasatyn is-shara quqyq buzýshylyqtardyń aldyn alý
sharalaryn kúsheıtýge baǵyttalyp otyr. Bir aıdyń ishinde ýchaskelik polıtsııa ınspektorlary Atyraý qalasyndaǵy 30 myńnan astam páterdi, saıajaılardy qamtyp, oblys aýmaǵynda ornalasqan 507 qystaq men sharýa qojalyǵyna tekserý júrgizdi.
Tekserý kezinde qarýdy saqtaý men tirkeý merzimin buzýdyń 16 deregi anyqtalyp, 12 qarý tárkilendi», -deıdi Qamza Úmbetqalıev.
Onyń málimetinshe, kámeletke tolmaǵan 517 jasóspirim polıtsııaǵa jetkizilgen.
Jasóspirimder ata-analardyń tarapynan baqylaýdyń joqtyǵynan usaq buzaqylyq jasap, qoǵamdyq oryndarda ishimdik ishken, túngi ýaqytta oıyn-saýyq mekemelerinde nemese turǵyn-jaıdan tys jerde bolǵan.
«Bir aıdyń ishinde túrli ákimshilik quqyq buzýshylyq jasaǵany úshin 6 715 adam jaýapkershilikke tartyldy. Onyń ishinde otbasylyq-turmystyq qarym-qatynasqa
qatysty quqyqqa qaıshy áreketter jasaǵany úshin 250 janjalqoı ustaldy. Sondaı-aq,
polıtsııaǵa ártúrli negizmen jetkizilgen 1 677 adamnan saýsaq izi alynyp, foto-vıdeo
esebine qoıyldy», -dep málim etti Qamza Úmbetqalıev.
Eske sala ketelik, buǵan deıin Atyraýda avtobýs júrgizýshileri bir kúnde 55 márte ereje buzǵanyn habarlaǵan bolatynbyz
