Atyraý oblysynda 1,4 mlrd teńgeniń jyjyjaıy salynyp jatyr
ATYRAÝ. QazAqparat – Atyraý oblysyndaǵy Aqjaıyq aýylynda 1,4 mlrd teńgeniń jylyjaıy salynyp jatyr, dep habarlaıdy QazAqparat.
Aqjaıyq aýyly – Mahambet aýdanynda ornalasqan okrýgtiń biri. Jaıyq jaǵasyndaǵy iri eldi mekende mal jáne egin sharýashylyǵy qatar qanat jaıǵan. Qazir munda 4 gektar aýmaqta iri jylyjaı qurylysy qolǵa alynǵan.
«Jumaǵalıeva N» sharýa qojalyǵynyń jetekshisi Ospan Almastyń aıtýynsha, jobanyń jalpy quny – 1,4 mlrd teńge. Jylyjaıdy tórtinshi toqsanda iske qosý josparlanǵan.
«Qurylys alańynda 14 adam jumys isteıdi. Qazir jylyjaı nysanynyń qabyrǵasy qurastyryla bastady. Elektr jáne gaz jelisi tartyldy. Bul jylyjaı iske qosylǵanda 350 adamdy jumyspen qamtýdy josparlap otyrmyz. Munda jylyna 350 tonna qııar, qyzanaq syndy kókónis ónimderi ósiriledi» -deıdi Ospan Almas.
Jylyjaı qurylysymen tanysqan oblys ákimi Mahambet Dosmuhambetov azyq-túlik beldeýin qurý úshin mundaı jobalardyń qajettigine toqtaldy.
«Memleket tarapynan aýyl sharýashylyǵy salasyn damytýǵa barynsha qoldaý kórsetilip otyr. Óńir turǵyndaryna sapaly ári arzan kókónis ónimderin usynýdy kózdeıtin bul jylyjaıda da jumys oryndary ashylady. Jylyjaı ónimderi jergilikti naryqtaǵy baǵanyń turaqty bolýyna yqpal etedi. Sondyqtan, osyndaı jobalardy kóbirek iske qosý qajet» -dedi Mahambet Dosmuhambetov.
Eske sala ketelik, budan buryn Atyraý oblysynda almanyń 32 túrinen shyryn óndiretin tseh ashylǵanyn jazǵan bolatynbyz.
