Atyraý oblysynan Senat depýtattyǵyna 5 úmitker usynyldy
ATYRAÝ. QazAqparat - Atyraý óńirinen saılaýǵa túsken kandıdattardyń bireýin - oblystyq máslıhat usynsa, tórteýi - ózin-ózi usynǵan azamattar, dep habarlaıdy QazAqparat Atyraý oblystyq kommýnıkatsııalar qyzmetine silteme jasap.
Bul týraly ÓKQ-niń baspasóz ortalyǵynda ótken onlaın-brıfıngte oblystyq aýmaqtyq saılaý komıssııasynyń tóraǵasy Azamat Aımanakýmov málimdedi.
Onyń aıtýynsha, usynylǵandardyń arasynda óndiris, temir jol, áýejaı baılanysy jáne bilim salasynyń qyzmetkerleri bar.
«Oblysymyzdan Senat depýtattyǵyna usynylǵan úmitkerlerdiń ekeýi - óndiris, taǵy ekeýi - temir jol, áýejaı baılanysy salalarynyń, bireýi - bilim salasynyń qyzmetkeri. Úsh kandıdattyń eki joǵary bilimi bar. Naqty mamandyǵyn aıtar bolsaq, ekeýi - ekonomıst, bireýi - zańger, bireýi - psıholog, taǵy bireýi - temirjol salasynyń mamany», - dedi Azamat Aımanakýmov.
Aıta keteıik, Senat depýtattyǵyna usynylǵan úmitkerlerdiń orta jasy - 52-de, al eń jasy - 44-te.
