Atyraý oblysynan Astanaǵa 20 tonnadan astam balyq jetkiziledi
ASTANA. QazAqparat - 25-26 tamyzda Astanadaǵy «Qazaqstan» sport kesheniniń turaq alańynda Atyraý oblysynyń jármeńkesi ótedi, dep habarlaıdy Astana ákimdiginiń resmı saıty.
Atyraý oblysynyń aýyl sharýashylyǵy salasynyń ókilderi 12,5 tonna kartop, kókónis pen baqsha ónimderin, 10 tonna et ónimderin, 2,5 tonna sút ónimderin jetkizbek. «Karat» pen «Asyl agro» kásiporyndary úsh myńǵa tarta konservi men shujyq ónimderin, «Almaly qus» kásiporny 60 myń taýyq jumyrtqasyn saýdaǵa qoıady. Sondaı-aq, jármeńkege balyqtyń 20 tonnasy ákelinedi dep kútilýde.
Balyq ónimderin atyraýlyq «Amankeldi» men «Tilekshi» kásiporyndary, Qurmanǵazy aýdanynyń «SevKAzKaspıı» JShS, sondaı-aq, Isataı aýdanynyń «Jambyl» kásiporny usynady.
Dástúr boıynsha saýda alańynda oblystyń shyǵarmashylyq ujymdary kontserttik baǵdarlamasyn usynady.
