Atyraý oblysyna zymyran bóligi qulady
ATYRAÝ. QazAqparat - Atyraý oblysyna «Strıj» zymyranynyń bir bóligi qulady. Qoldanýshylary zymyrannyń synǵan bóliginiń sýretin jelide jarııalaǵan, dep habarlaıdy QazAqparat tilshisi óńirdiń TJD-ǵa silteme jasap.
Atyraý oblysy TJD jedel kezekshisi málim etkendeı, «Strıj» zymyranynyń 7-8 metrlik bir bóligi 23 tamyzdan 24 tamyzǵa qaraǵan túni Qurmanǵazy aýdanyna qarasty Qurmanǵazy eldi mekeninen 20 shaqyrym jerde qulaǵan.
«Zymyran bóligi qulaǵannan keıin sol jerdiń qurǵaq shóbi órtene bastaǵan. TJD qyzmetkerleri ony aýyzdyqtap úlgerdi. Oqıǵa saldarynan zardap shekkender joq. Radıatsııalyq aıasy normasynan asqan joq», - dep málim etti óńirdiń Tótenshe jaǵdaılar departamentiniń ókili.
Oqıǵa ornynda arnaıy jasaqtalǵan komıssııa jumys jasap jatyr. Arnaıy mmandar zymyrannyń bóligi tabylǵan jerdi qorshaýǵa aldy.
