Atyraý oblysyna Vero Cell vaktsınasynyń 6 myń dozasy jetkizildi

ATYRAÝ. QazAqparat – Atyraý oblysyna Vero Cell vaktsınasynyń 6 myń dozasy jetkizildi, dep habarlaıdy QazAqparat.

Buǵan deıin Atyraýǵa bir kúnde eki túrli vaktsınanyń dozalary jetkizilip, 1,7 myń adam Vero Cell vaktsınasyn saldyrǵanyn habarlaǵan edik.

Oblystyq densaýlyq saqtaý basqarmasy baspasóz qyzmetinen málim etkendeı, búgin, 8 qyrkúıekte Vero Cell vaktsınasynyń 6 myń dozasy jetkizilip otyr.

«Atyraý oblysyna Sinopharm kompanııasy shyǵarǵan Vero Cell vaktsınasynyń 46 myń dozasy ákelindi. Dál osy vaktsınanyń І komponentin 8 qyrkúıekke 9 899 atyraýlyq turǵyn ektirdi. Qazir bul vaktsınanyń komponentteri egý beketiniń bárinde bar» -dep habarlady basqarmanyń baspasóz qyzmetinen.