Atyraý oblysyna tapshy dári-dármektiń ekinshi partııasy jetkizildi
ATYRAÝ. QazAqparat –Atyraý oblysyna tapshy dári-dármektiń taǵy 470 túrli jetkizildi, dep habarlaıdy QazAqparat.
Óńirlik kommýnıkatsııalar qyzmetiniń aqparatyna súıensek, búgin, 12 shildede preparattar toptamasy Almatydan jetkizildi.
«Medıtsınalyq preparattardyń 470 túri Almatydan ákelindi. Erteńnen bastap Atyraý qalasyndaǵy dárihanalarǵa taratylady. Al, aýdandarǵa sársenbi men juma aralyǵynda jetkiziledi. Jumada Almatydan Atyraýǵa taǵy dári-dármek keledi. Onda koronavırýstan emdeýge arnalǵan medıtsınalyq preparattar bolady», - deıdi farmatsevtıkalyq kompanııanyń dırektory Svetlana Lıpatova.
Eske sala ketelik, Atyraý oblysyna dári-dármektiń 430 túri shuǵyl jetkizilgenin habarlaǵan edik.
Memleket basshysy Qasym-Jomart Toqaev Atyraý oblysyndaǵy ahýal týraly qoǵam ókilderiniń shaǵymdarymen tanysqanyn, óńirge dárigerler men dári-dármek jiberiletinin málim etken edi.
Qazir Atyraý óńiri koronavırýsqa shaldyqqan naýqastar sany boıynsha elimizde aldyńǵy orynda tur.
Osy rette, QR Premer-Mınıstriniń orynbasary Eraly Toǵjanov bastaǵan delegatsııa Atyraý óńirine baryp, shuǵyl jıyn ótkizdi.
Vıtse-premer málim etkendeı, oblys dári-dármekpen 94 paıyzǵa qamtylǵan.
Keńes barysynda epıdemıologııalyq ahýaldy turaqtandyrýǵa qatysty qolǵa alynatyn sharalar aıtyldy.
Al 11 shilde kúni saǵat 00.00-den bastap Atyraý oblysynda karantın sharalary kúsheıtildi.
