Atyraý oblysyna «Spýtnık V» vaktsınasynyń 19 myń dozasy jetkizildi

ATYRAÝ. QazAqparat – Atyraý oblysyna «Spýtnık V» vaktsınasynyń 19 myń 350 dozasy jetkizildi, dep habarlaıdy QazAqparat.

Oblystyq Densaýlyq saqtaý basqarmasynyń baspasóz qyzmetinen málim etkendeı, Aqtóbeden aımaqtyq farmatsevtıkalyq qoımaǵa jetkizilgen dozanyń bári sertıfıkattalǵan.

«Reseılik «Spýtnık V» vaktsınasynyń 19 350 dozasy 41 egý pýnktine taratylady. Óıtkeni, koronavırýs ınfektsııasyna qarsy vaktsınalaýdyń kúndelikti josparyna ózgerister engizildi. Qazir kúnine vaktsına alatyn adamdardyń sany 1050-den 3500-ge deıin artty», - deıdi oblystyq Densaýlyq saqtaý basqarmasynyń basshysy Ashan Baıdýálıev.

Eske salaıyq, buǵan deıin Atyraý oblysyna «Spýtnık V» vaktsınasynyń 28 myńnan astam dozasy jetkizilgen bolatyn.