Atyraý oblysyna «Spýtnık V» vaktsınasynyń 17 myń dozasy jetkizildi
ATYRAÝ. QazAqparat – Atyraý oblysyna «Spýtnık V» vaktsınasynyń 17 myń dozasy jetkizildi, dep habarlaıdy QazAqparat.
Oblystyq densaýlyq saqtaý basqarmasy baspasóz qyzmetiniń málimetinshe, 23 sáýirde Atyraýǵa Aqtóbe farmatsevtıkalyq habynan «Spýtnık V» vaktsınasynyń kezekti partııasy jetkizildi. Bıylǵy 1 aqpannan beri Atyraý oblysyna jetkizilgen vaktsına 32 200-ge jetti.
«Osy kezge deıin «Spýtnık V» I komponenti 15 018 adamǵa salyndy. Al, vaktsınanyń II komponentin 3 535 turǵyn aldy. Turǵyndardyń vaktsına alýyna qolaıly jaǵdaı jasaý úshin Atyraý qalasyndaǵy iri saýda ortalyqtarynda qosymsha vaktsınatsııa pýnktterin ashýdy josparlanyp otyr. Búgin jetkizilgen vaktsınanyń 7 myń dozasy Teńiz ken ornynyń jumysshylaryn vaktsınatsııalaý úshin bólinetin bolady», - dep málim etti basqarmanyń baspasóz qyzmeti.
Oblystyq densaýlyq saqtaý basqarmasy basshysynyń buıryǵymen endi aımaqta 7 mobıldi brıgada jumys isteı bastaıdy. Olar aımaqtyń iri kásiporyndarynyń qyzmetkerlerin vaktsınalaýǵa shyǵady.
Eske sala ketelik, buǵan deıin Atyraý oblysynda 250 myń adam koronavırýsqa qarsy vaktsına alatynyn jazǵan edik.
