Atyraý oblysyna QAZVAS vaktsınasynyń alǵashqy dozasy jetkizildi
ATYRAÝ. QazAqparat — Atyraý oblysyna QAZVAS vaktsınasynyń alǵashqy 2 myń dozasy jetkizildi, dep habarlaıdy QazAqparat.
Atyraý oblystyq Densaýlyq saqtaý basqarmasynyń basshysy Ashan Baıdýálıevtiń aıtýynsha, eki komponentten turatyn QAZVAS vaktsınasynyń alǵashqy 2 myń dozasy Atyraýǵa jetkizildi. Vaktsına eki egý pýnktine - Atyraý qalasynyń emhanalaryna taratylǵan.
«Qazaqstandyq QazCovid - in (QAZVAS) – eki dozaly vaktsına. Bir quty bir adamǵa eseptelgen. Sonymen qatar, otandyq vaktsına muzdatýdy qajet etpeıdi. Sebebi, 2-den 8 gradýsqa deıingi temperatýrada saqtalady», - deıdi Ashan Báıdýálıev.
