Atyraý oblysyna qazaqstandyq zaýyttan taǵy 68 tonna qant jetkizildi
Óńirlik kommýnıkatsııalar qyzmetiniń málimetine súıesek, Atyraý qalasyndaǵy «ıArmarka Retail» sýpermarketiniń saýda jelisine 68 tonna qant tústi.
«Bizdiń sýpermarket jelisine Almaty oblysyndaǵy «Kóksý qant» zaýytynan shyǵarylǵan 68 tonna qant ákelindi. Qazir qantty esepke alý júrgizilip jatyr. Birer kúnnen keıin sýpermarket jelisi arqyly satylymǵa shyǵarylady. Aldaǵy 4-5 kúnnen keıin taǵy 66 tonna, sodan soń 64 tonna qant jetkiziletini kútilip otyr. Osylaısha, ár 4-5 kún saıyn qant ákeline beredi», -deıdi «ıArmarka Retail» sýpermarketi jelisiniń qoıma meńgerýshisi Klara Sharıpova.
Al, «ıArmarka Retail» sýpermarketiniń meńgerýshisi Gúlmıra Ǵızatýllınanyń aıtýynsha, saýda jelisinde ázirge qant tapshylyǵy baıqalyp otyrǵan joq.
«Sýpermarket sóresindegi qant azaıǵan saıyn tolyqtyrylady. Munda tutynýshyǵa usynylǵan qanttyń bir kelisi 385 teńgeden satylyp jatyr», -dep málim etti Gúlmıra Ǵızatýllına.
Qazir Atyraý qalasynda «ıArmarka Retail» jáne «7ıa» sýpermarketteriniń 15 núktesi bar.
Eske sala ketelik, budan buryn Atyraý oblysyna zaýyttan 66 tonna qant jetkizilgen bolatyn.
