Atyraý oblysyna demeýshiler qarjysyna alynǵan medıtsınalyq zattardyń jańa legi keldi
ATYRAÝ. QazAqparat – Atyraý oblysynyń ákimi Mahambet Dosmuhambetov Atyraý qalasyna kireberistegi 4 sanıtarlyq beketti aralady, dep habarlaıdy QazAqparat.
Ákimniń aıtýynsha, qaýipti ınfektsııanyń aldyn alý jumysy kún saıyn kúsheıtilýde. Qańtar aıynda arnaıy qurylǵan oblystyq komıssııa kóptegen jumys jasap úlgergen.
«Búgin qalanyń kireberisindegi sanıtarlyq tórt beketti aralap kórdim. Onda shaharǵa kiretin jeńil kólikterdiń bári toqtatylyp, sanıtarlyq-epıdemıologııalyq qyzmet mamandary jolaýshylardyń qyzýyn ólshep, aty-jóni men baılanys jazyp alyp, málimet jınaqtaýda. Aldaǵy kúnderi tıisti mamandar sany arttyrylyp, jumys kúsheıtiledi» - dep jazdy ákim Facebook-tegi paraqshasynda.
Onyń aıtýynsha, demeýshiler kómegimen alynǵan qosymsha medıtsınalyq jáne gıgıenalyq zattardyń jańa legi kelgen. Sonymen qatar, oblys kóleminde 1,8 myńǵa jýyq statsıonarlyq oryn ázirlendi.
