Atyraý oblysyna 30 dáriger ǵana jetispeıdi - Noǵaev
«Qazirgi tańda ataýly áleýmettik kómek alatyn 6 729 otbasy, ıaǵnı 38 183 adam bar. Jumyssyzdyq deńgeıi 4,9 paıyzdy quraıdy. 2019 jyly 15 420 jumys ornyn qurý josparlanǵan bolatyn. Búgingi tańda 17 201 jumys ornyn qurdy. Onyń ishinde turaqty jumys orny - 9 252. Turǵyn úı kómegin alǵan otbasylar - 749 adam. Olar jalpy 24 mıllıon teńgeniń turǵyn úı kómegin aldy», - dedi N.Noǵaev.
Onyń aıtýynsha, óńirde bilim salasyna bólinetin qarajat kólemi jyldan jylǵa artyp kele jatyr. Qarajat materıaldyq-tehnıkalyq bazany jańartýǵa, oqý-ádistemelik quraldardy satyp alýǵa jumsalady. 3-6 jas aralyǵyndaǵy balalardy (mektepke deıingi bilimmen qamtý) qamtý 98,7 paıyzdy qurady.
Munan bólek oblystyq bıýdjetten óńirge qajetti mamandardy daıarlaý baǵytynda 2017 jyly 222 talapkerge oqý qarajaty tólengen. Onyń - 179-y oqytýshy, 35-i - dáriger. 2018 jyly 231 grant bakalavrıatqa jáne 16 grant magıstratýraǵa bólindi. Al bıyl jas mamandardy daıarlaýǵa 178 grant bólinip otyr.
«Densaýlyq saqtaý salasynda atqarylǵan isterdiń nátıjesinde jalpy ólim kórsetkishi, qaterlik isikten, týberkýlezden, qan aınalymy júıesi aýrýlarynan qaıtys bolǵandar azaıyp kele jatyr. Salany kadrlarmen qamtamasyz etý máselesi júıeli túrde sheshilip keledi. 2016 jyly 144 maman jetispeıtin bolsa, atqarǵan isterdiń nátıjesinde qazirgi tańda nebári 30 dáriger ǵana qajet»,- dedi oblys basshysy.
