Atyraý oblysyna 2 myń tonna un jetkiziledi
Atyraý oblysy ákiminiń orynbasary Qaırat Nurlybaevtyń aıtýynsha, Batys Qazaqstan oblysynan un men kúnbaǵys maıyn jetkizý jóninde kelisimshart jasalǵan.
«Atyraý oblysy ákimdigi men «Azyq-túlik kelisim shart korporatsııasy» AQ arasyndaǵy kelisimge «Jelaev nan ónimderi kombınaty» arqyly óńirdegi naýbaıhanalarǵa 1-surypty 2000 tonna un jyl sońyna deıin jetkiziledi. Bul mekeme osyǵan deıin de óńirdegi naýbaıhanalar úshin 1-surypty undy tómen baǵamen berip kelgen. Oral qalasyndaǵy «Beles-Agro» kásipornynan 200 tonnaǵa jýyq kúnbaǵys maıyn satyp alý úshin kelisim jasaldy. Aldaǵy ýaqytta áleýmettik mańyzy bar un, kúnbaǵys maıy sekildi ónimder jergilikti kásipkerler men «Atyraý» áleýmettik kásipkerlik korporatsııasy arqyly esh kedergisiz tasymaldanady», -deıdi Qaırat Nurlybaev.
Onyń aıtýynsha, qazir 1-surypty nan baǵasy «Dáýlet Nan» JShS-niń saýda núktelerinde 90 teńgeden satylyp jatyr.
«Atyraý oblysynyń ákimdigi áleýmettik mańyzy bar azyq-túlik taýarlarymen qamtý, baǵany turaqtandyrý úshin ózge óńirlermen, jaqyn shet eldermen tıisti jumystardy uıymdastyryp otyr», -dep málim etti Qaırat Nurlybaev.
Eske sala ketelik, budan buryn Atyraý oblysynda áleýmettik mańyzy bar azyq-túliktiń qajetti qory baryn jazǵan bolatynbyz.
