Atyraý oblysyn shańdy daýyl basyp qaldy
ATYRAÝ. QazAqparat – Oblys ortalyǵy men Atyraý oblysy aýdandarynyń bir bóligin shańdy daýyl basty, dep habarlaıdy QazAqparat tilshisi.
Ekpini sekýndyna 20 metrden asatyn kúshti jel Atyraý qalasynyń barlyq yqshamaýdandarynda qum men shańdy aspanǵa kóterdi.
Áleýmettik jelilerde habarlanǵandaı, keı jerlerde joldarda kólikterdiń shamy janyp tursa da jol kórinisi olardyń qozǵalysyna kedergi keltirip otyr.
Óńirdiń tótenshe jaǵdaılar departamenti júrgizýshiler men jaıaý júrginshilerdi asa saq bolýǵa shaqyrady.
«Tóbesi úlken ǵımarattardyń janynan ótý nemese kólik júrgizý kezinde asa muqııat bolý kerek», - dep eskertti aımaqtyń TJ departamenti.
