Atyraý oblysyn birneshe kún jaılaǵan tútinniń shyǵý oshaǵy anyqtaldy

ATYRAÝ. QazAqparat – Atyraý oblysynyń aspanynda birneshe kúnnen beri turǵan tútinniń shyǵý oshaǵy tabyldy, dep habarlaıdy QazAqparat Tótenshe jaǵdaılar mınıstrligine silteme jasap.

Buǵan deıin Atyraýda taralǵan tútinniń oshaǵy eki kúnnen beri anyqtalmaı jatqanyn habarlaǵan bolatynbyz. Búgin áýeden barlaý júrgizý úshin tikushaq jumyldyryldy.

«31 qańtar kúni Atyraý qalasynyń aýmaǵynda tútin ıisiniń shyǵýyna baılanysty órt oshaǵyn anyqtaý maqsatynda áýeden barlaý júrgizýge TJM avıatsııasy – MI-874 tikushaǵy jumyldyryldy.

Atyraý oblysy Tótenshe jaǵdaılar departamentiniń qyzmetkerleri men jergilikti atqarýshy organdardyń ókilderinen turatyn komıssııa músheleri aerovızýaldy tekserý boıynsha jumys júrgizdi.

Kaspıı teńiziniń jaǵalaýynda aerovızýaldy tekserý nátıjeleri boıynsha 4 oshaq anyqtaldy: 3 oshaq Jylyoı aýdany baǵytynda 70 km jerde, aldyn ala boljam boıynsha jalpy aýdany 9 ga alańda jáne 1 oshaq Isataı aýdany baǵytynda 200 ga astam alańda boldy.

Qazirgi ýaqytta kirme joldardyń bar-joǵyn anyqtaý boıynsha barlaý júrgizilýde», - delingen mınıstrlik habarlamasynda.

Málim etilgendeı, túngi ýaqytqa baılanysty órtti sóndirý erteń, ıaǵnı 1 aqpanda bastalady.

Eldi mekenderge qaýip tónip turǵan joq.

Foto: gov.kz