Atyraý oblysy: Jataqhanadaǵy órttiń sebebi anyqtaldy
ATYRAÝ. QazAqparat - Atyraý oblysynda 6 adam qaza taýyp, tórteýi zardap shekken jataqhanadaǵy órttiń shyǵý sebebi ataldy, dep habarlaıdy «QazAqparat» HAA tilshisi.
«Bir qabatty jataqhanadaǵy 480 sharshy metr aýmaqty sharpyǵan órttiń shyǵýyna aldyn ala boljam boıynsha - elektr symdar júıesiniń qysqa tuıyqtalýy sebep bolǵan. Jataqhana Qyzylqoǵa aýdanyndaǵy Qarabatan «Gaztýrbınalyq elektr stansasynyń» (Karabatan Utility Solutions JShS, AF PSI Story industriya PıESaı Stroı Indýstrııa JShS-nyń merdiger uıymy) qurylys aýmaǵynda ornalasqan. Jataqhana 120 adamǵa eseptelgen», - dep habarlady Atyraý oblystyq TJD baspasóz qyzmetinen.
Baspasóz qyzmetiniń aqparaty boıynsha, órtti sóndirýge TJD-nyń 18 qyzmetkeri men 5 tehnıkasy qatysqan. Sondaı-aq, Nort Kaspıan OpereıtıngKompanı kompanııasynyń órt sóndirý-apattyq qyzmeti, memlekettik emes órtke qarsy qyzmet jáne Polımer Prodakshn JShS qyzmeti atsalysqan.
