Atyraý oblysy «jasyl» aımaqqa ótti

ATYRAÝ. QazAqparat – Búgin Atyraý oblysy «jasyl» aımaqqa ótti. Buǵan ótken táýlikte koronavırýs ınfektsııasyn juqtyrýshylar sanynyń azaıǵany sebep bolǵan, dep habarlaıdy QazAqparat.

Oblystyq densaýlyq saqtaý basqarmasy baspasóz qyzmetiniń aqparatyna qaraǵanda, ótken táýlikte – 7 qazanda qaýipti vırýstyń belgisi 35 adamnan anyqtalǵan.

Onyń ishinde Atyraý qalasynda 22, Teńiz ken ornynda 4 naýqas tirkelip otyr. Al, Qyzylqoǵa aýdanynda – 3, Qurmanǵazyda – 2, Maqatta – 2, Isataı aýdanynda 2 adam koronavırýs ınfektsııasyna shaldyqqan.

«Qazir úı jaǵdaıynda em-dom alý úshin 475 adam oqshaýlandy. Al, ınfektsııalyq statsıonarlarda 234 naýqas emdelip jatyr. Onyń ishinde modýldik aýrýhanada – 93, №2 oblystyq aýrýhanada – 48, aýdandardaǵy ınfektsııalyq statsıonarlarda 33 adam em qabyldaýda. Sondaı-aq, Jylyoı aýdanynda ornalasqan Teńiz ken ornyndaǵy statsıonarda 60 patsıent em-dom sharasyn alyp jatyr. Ótken táýlikte qaýipti vırýstan 35 adam emdelip shyqty», -dep habarlady basqarmanyń baspasóz qyzmeti.

Eske sala ketelik, budan buryn Atyraý oblysynda koronavırýs juqtyrǵandar birshama

azaıǵanyn habarlaǵan bolatynbyz.