Atyraý oblysy turǵyndarynyń alańdaýyna esh negiz joq - ákimdik
Óńirlik kommýnıkatsııalar qyzmetiniń málimetinshe, óńir turǵyndarynyń tynys-tirshiligi qalypty deńgeıde ótip jatyr.
«Oblysta mekemeler men kásiporyndar qalypty deńgeıde jumys istep tur. Qoǵamdyq kólikter jolaýshy tasymaldap júr. Jaıyq ózeniniń ústinen salynyp, Atyraý qalasyn qos qurlyqpen – Eýropa men Azııamen jalǵap turǵan barlyq kópir men kósheler tolyqtaı ashyq. Azyq-túlik dúkenderi, sýpermarketter men dárihanalar qalypty rejımde jumysyn jalǵastyryp, tótenshe jaǵdaı talabyna sáıkes belgilengen ýaqytqa deıin esh kedergisiz jumys isteıdi. Turǵyndardyń komendanttyq saǵattan tys mezgilde erkin júrýine shekteý qoıylǵan joq. Búginnen bastap ǵalamtor jelisi saǵat 07:00-19:00 aralyǵynda qosylyp jatyr», -dep habarlady óńirlik kommýnıkatsııalar qyzmeti.
Eske sala ketelik, buǵan deıin Atyraý oblysyndaǵy Teńiz ken ornynda kúzet kúsheıtilgenin jazǵan edik.
