Atyraý oblysy turǵyndarynyń 67% paıyzy referendýmda daýys berdi
Óńirlik kommýnıkatsııalar qyzmetiniń málimetinshe, óńir 261 refrendým ýchaskesi jumys istedi. Al, aýrýhana, ýaqytsha qamaý orny, áskerı bólim sekildi nysandarda 11 jabyq ýchaske ashylǵan. Referendýmda daýys berý barysyn 1 200 baıqaýshy baqylaǵan.
«Referendýmda múmkindigi shekteýli adamdardyń da daýys berýine qolaıly jaǵdaı jasaldy. Ýchaskelik komıssııalar sheshimimen arnaıy top densaýlyǵyna jáne jas erekesheligine baılanysty úıinde daýys berýge ótinish bildirgen adamdarǵa referendým bıýlletenin jetkizip, tańdaý jasaýyna múmkindik jasady. Al, vahtalyq ádispen jumys berýin daýys berýin uıymdastyrý úshin 43 ýchaskelik komıssııa tartyldy. Teńiz ken ornynda elimizdiń ár óńirinen vahtalyq ádispen jumys isteýge kelgen adamdar úshin 15 daýys berý pýnkti ashyldy. Ken ornynda eńbek etetin 9 myń qyzmetker referendýmǵa qatysýǵa óz ótinishterin bergen», -dep habarlady.
Sondaı-aq Atyraý qalasyndaǵy ÝG-157/1 mekemesiniń ýaqytsha tergeý ızolıatoryna qamalǵan 181 adam óz quqyqtaryn paıdalana otyryp, daýys berdi.
«Atyraý oblysynda referendýmǵa qatysýǵa quqyǵy bar 396 323 adamnyń 67,68 % óz tańdaýyn jasady. Daýys berýshiler qatarynda qoǵam jáne mádenıet qaıratkerleri, sportshylar men óner ıeleri de, qarapaıym turǵyndar bar», -dep málim etti óńirlik kommýnıkatsııalar qyzmetinen.
Eske sala ketelik, budan buryn Atyraýda Atyraý oblysynda 102 jastaǵy eki qarııa saıası tańdaýyn jasaǵanyn habarlaǵan edik.
