Atyraý oblysy turǵyndarynyń 36 paıyzy sportpen shuǵyldanady
ATYRAÝ. QazAqparat – Atyraý oblysy turǵyndarynyń 36 paıyzy sportpen shuǵyldanady, dep habarlaıdy QazAqparat.
Atyraý oblysynyń ákimi Mahambet Dosmuhambetovtiń aıtýynsha, Táýelsizdik jyldary dene shynyqtyrý men sport salasynyń damýyna, salaýatty ómir saltyn nasıhattaýǵa erekshe kóńil bólingenin atap ótti.
«Qazir Qazaqstan álemdik sportta ózgeler sanasatyn memleketterdiń birine aınaldy. Memleket basshysy óz Joldaýynda halyqqa sportpen turaqty aınalysatyndaı jaǵdaı jasalýyn tapsyrǵan bolatyn. Atyraý oblysynda buqaralyq sportty damytýǵa erekshe mán berilip, sport keshenderiniń sany jyl sanap artyp keledi. Qazir oblys turǵyndarynyń 36 protsenti sportpen shuǵyldanady. Bıylǵy jyl tabysqa toly boldy. Paralımpıada oıyndaryndaǵy úsh kúmis júlde – keremet jetistik. Munyń barlyǵy salaǵa jasalǵan jaǵdaı men tabandy jattyǵýlar, erik-jigerdiń jemisi. Biz jeńimpaz ulandarymyzdy árdaıym maqtan tutamyz», -dedi Mahambet Dosmuhambetov.
«Sports awards – 2021» saltanatty is-sharasynda paravoleıbolshy Baýyrjan Sartaevqa 2 bólmeli páter kilti tabystaldy. Mádenıet jáne sport mınıstrliginiń «Dene shynyqtyrý men sportty damytýǵa sińirgen eńbegi úshin» tósbelgisimen oblystyq shahmat federatsııasynyń vıtse-prezıdenti Sabyrbaı Gaısın marapattaldy. Birneshe sportshy «Qazaqstan Respýblıkasynyń Táýelsizdigine 30 jyl» merekelik medaline, oblys ákiminiń Alǵys hatyna ıe boldy.
Sondaı-aq, balýan Syrbaz Talǵat pen kıkboksıng sheberi Nursultan Jumabaev «Jyl sportshysy» atandy.
Eske sala ketelik, budan buryn Atyraý oblysynda «Tsıfrly ustaz» baıqaýynyń jeńimpazdary anyqtalǵanyn jazǵan edik.
