Atyraý oblysy turǵyndarynyń 12,8 paıyzy MÁMS júıesinde saqtandyrylmaǵan
Bul týraly oblystyq máslıhattyń sessııasynda Mindetti áleýmettik medıtsınalyq saqtandyrý qory Atyraý oblysy boıynsha fılıalynyń dırektory Baıtolla Ǵazızov málim etti.
«Bıylǵy 1 shildedegi málimetke sáıkes Atyraý oblysynda mindetti áleýmettik medıtsınalyq saqtandyrý júıesinde saqtandyrylmaǵandar adamdardyń sany 12,8 paıyzdy qurap otyr. Jyl basynda saqtandyrylmaǵan azamattar sany 90 898 adam edi. Qazir olardyń sany – 84 517 adam. Eń kóp saqtandyrylmaǵan adamdar Qurmanǵazy, Isataı aýdandary men Atyraý qalasynda tirkelip otyr», -deıdi Baıtolla Ǵazızov.
Onyń aıtýynsha, bıylǵy birnishi jartyjyldyqta óńirde mindetti áleýmettik medıtsınalyq saqtandyrý júıesi sharttary boıynsha 163 mln 15 myń 576 teńgeniń 22 021 aqaýlyǵy anyqtalǵan.
«Mindetti áleýmettik medıtsınalyq saqtandyrý qoryn jaqsartý jóninde usynys-pikirlerdi depýtattarmen birlesip, zań aıasynda qaraý qajet. Tarıf, monıtorıng máselerinde kemshilikke jol bermegen jón. Keıbir medıtsına mekemeleriniń turǵyndarǵa kórsetken qyzmetteriniń qarajaty kórsetilmegen. Bul qyzmettiń artynda medıtsına qyzmetkerleriniń jalaqysy, dári-dármek baǵalary tur. Sondyqtan, mundaı máselelerge atústi qaramaý kerek», -deıdi oblys ákimi Serik Shápkenov.
Eske sala ketelik, budan buryn Atyraý oblysynda 230 adam bas jáne moıyn qaterli isik aýrýyna shaldyqqanyn habarlaǵan edik.