Atyraý oblysy turǵyndarynan 30 zańsyz qarý tárkilendi
Oblystyq polıtsııa departamenti baspasóz qyzmetiniń málimetinshe, 14 qarashadan beri «Qarý – 2021» jedel-profılaktıkalyq is-sharasy ótip jatyr.
«Іs-sharanyń maqsaty – Atyraý oblysynyń aýmaǵynda atys qarýyn, jarylǵysh zattardy qoldaný arqyly jasalatyn qylmystardy ashý jáne aldyn alý, sondaı-aq, qarý ıelerin
turǵylyqty meken-jaıy boıynsha tekserip, olardyń qarýdy paıdalaný, ustaý jáne saqtaý talaptaryn oryndaýyn tekserý. Polıtsııa qyzmetkerleri 4 kúnde zańsyz
aınalymnan bir qarý men 14 dana oq-dári alyndy. Qarýy bar 1 500 adam tekserildi. Qarý saqtaý, tasymaldaý erejelerin buzǵany úshin 30 adam ákimshilik jaýapkershilikke tartylyp, qarýy tárkilendi» - deıdi Atyraý oblystyq polıtsııa departamentiniń bastyǵy,
polıtsııa polkovnıgi Qamza Úmbetqalıev.
Eske sala ketelik, buǵan deıin Atyraý oblysynyń turǵyny plastık ydysta esirtki
ósirgenin habarlaǵan bolatynbyz.