Atyraý oblysy turǵyndaryna alǵashqy burqasyn jaıly eskertildi

ATYRAÝ. QazAqparat - Atyraý oblysynyń turǵyndaryna alǵashqy burqasyn jaıly eskertildi, dep habarlaıdy QazAqparat tilshisi.

Atyraý oblysy Tótenshe jaǵdaılar departamenti óńirde 4 jeltoqsanda aýa raıy kúrt sýytatyndyǵyn eskertti.

Keıbir jerlerde tuman túsedi, kóktaıǵaq, jaıaý burqasyn bolýy yqtımal. Al oblys ortalyǵynda kúndiz tuman túsedi.

TJD respýblıkalyq mańyzy bar joldarda jáne qalada, sondaı-aq dalalyq jerlerde abaı bolýdy eskertedi.