Atyraý oblysy: Turǵyndar ákimdikterge áleýmettik jeli arqyly shaǵymdana alady

ATYRAÝ. QazAqparat - Atyraý oblysyndaǵy barlyq aýdandyq ákimdikter halyqpen baılanys ornatý úshin Telegram messendjerinde chat-kanal ashty. Bul týraly Atyraý oblysynyń ákimi Nurlan Noǵaev QR Prezıdenti janyndaǵy memlekettik basqarý akademııasyndaǵy semınarynda málim etti, dep habarlaıdy QazAqparat.

Akademııada ákimderdiń transformatsııalyq oılaýynyń jańa daǵdysyn qalyptastyrý jóninde bes kúndik semınar bastaldy

Memlekettik basqarý akademııasy Atyraý fılıaly basshysynyń mindetin atqarýshy Jannat Nurtileýovanyń aıtýynsha, Atyraý qalasy men aýdandarynyń ákimderi 40 akademııalyq saǵat lektsııa tyńdap, ınteraktıvti sabaqtarǵa qatysady.

Túrli deńgeıdegi ákimderdiń aldynda sóz sóılegen oblys basshysy Nurlan Noǵaev turǵyndarmen ózara baılanystyń tıimdi tehnologııasyn bilýdiń jáne bilim deńgeıin arttyrýdyń mańyzdylyǵyn atap ótti.

«Jergilikti atqarýshy organdardyń aldynda memleket basshysynyń tapsyrmalaryn iske asyrý boıynsha jaýapty mindetter tur. Barlyq jumystar joǵary deńgeıde júrgizilýi tıis», - dedi Nurlan Noǵaev.

«Kóp aqparat áleýmettik jeliler arqyly taralady. Bul baǵytta jumystanyp jatyrmyz. Telegram jelisinde chat-kanal ashyldy, mobıldi qosymsha qaladaǵy problemalardy sheshýge yqpal etýde, memlekettik organdardyń basshylary ákimdiktiń resmı paraqshasy arqyly áleýmettik jelide tikeleı baılanysqa shyǵady. Telegram-da barlyq aýdan ákimdikteri chat-kanal ashty, sonda turǵyndar ózderin mazalaǵan máselege jaýap alady. Bul shaǵymdarǵa jedel áreket etýge múmkindik beredi», - dedi ákimderge Nurlan Noǵaev.

Onyń aıtýynsha, jańa tehnologııa múmkindikterin paıdalana otyryp, bılik pen halyq arasyndaǵy baılanysty jedel, tıimdi etý baǵytynda jumystar júrgizý kerek.

«Memlekettiń qazirgi damý kezeńinde jergilikti jurtshylyqpen baılanysta bolý, halyqty áleýmettik mańyzdy máselelerdi sheshýge jumyldyrý basym baǵytqa ıe. Memlekettik qyzmetshi jaı ǵana oryndaýshy emes, ol strategııalyq oılaı bilýi, bıýdjettendirýdi, jobalyq menedjmentti bilýi, saraptama jasaýy, qaýip-qaterdi kóre alýy kerek», - dedi oblys ákimi.

Aýdandyq ákimdikterdiń chat-kanaldary:

Jylyoı aýdany - t.me/zhylyoi_akimat
Inder aýdany - t.me/akimatinder
Mahambet aýdany - t.me/mahambet_akimat_official
Isataı aýdany - t.me/akimat_isatay
Maqat aýdany - t.me/akimat_maqat
Qyzylqoǵa aýdany - t.me/qyzylqoga_akimat
Qurmanǵazy aýdany - t.me/akimatkurmangazy