Atyraý oblysy: Memorgan basshylary áleýmettik jelide halyqqa esep beredi
Atyraý oblysy ákiminiń baspasóz hatshysy Serikjan Ermentaevtyń aıtýynsha, áleýmettik jelilerde esep berý aqpan aıynda bastalady jáne turaqty túrde júrgiziledi.
«2019 jyldyń aqpan aıynan bastap Atyraý oblysy ákiminiń tapsyrmasy boıynsha memlekettik organdardyń basshylary áleýmettik jelilerdegi Atyraý oblysy ákimdiginiń resmı paraqshalarynda tikeleı efır arqyly apta saıyn esep beretin bolady. Bul - ýaqyt talaby. Oblys turǵyndary Facebook nemese Instagram jelileri arqyly úılerinen shyqpaı-aq tikeleı baılanyspen suraqtaryn qoıa alady, - deıdi S.Ermentaev. -Memlekettik organ basshylary Live rejımde barlyq suraqtarǵa jaýap beredi, áleýmettik jelilerdiń bir artyqshylyǵy, spıkerler efır ýaqytyna táýeldi emes.
2019 jyldyń aqpan aıynda Atyraý oblystyq ákimdigi basqarmalardyń basshylary esep bere bastaıdy.
Sonymen qatar, Atyraý oblysynda Telegram qosymshasynda chat-kanal jumys isteıdi. 7 myńnan astam adam tirkelgen «Atyraý Tsıfrlyq Qabyldaý» mobıldi qosymshasy da bar. Ár apta saıyn memlekettik organ basshylary Atyraý oblystyq Óńirlik kommýnıkatsııalar qyzmetiniń alańynda, oblystyq telearnada tikeleı efırge shyǵyp, jýrnalıster men telekórermenniń saýaldaryna jaýap beredi.