Atyraý oblysy memlekettik kirister departamentiniń basshysy para aldy degen kúdikke ilindi

NUR-SULTAN. QazAqparat - Atyraý oblysy boıynsha memlekettik kirister departamentiniń basshysy para aldy dep kúdiktelýde, dep habarlaıdy QR Sybaılas jemqorlyqqa qarsy is-qımyl agenttiginiń baspasóz qyzmeti.

«Sybaılas jemqorlyqqa qarsy agenttik sybaılas jemqorlyq qylmysyn jasady kúdikpen Atyraý oblysy boıynsha memlekettik kirister departamentiniń basshysyna qatysty sotqa deıingi tergeýdi bastady» delingen habarlamada.

Málimetke saı, ol janama salyqtardy ákimshilendirý basqarmasynyń basshysynan qyzmet babynda alǵa jyljýy jáne jalpy qamqorlyǵy úshin 10 myń AQSh dollaryn talap etip, onyń 3 myń dollaryn aldy dep kúdikteledi.

Kúdiktige qatysty túpkilikti sheshimdi onyń kinálilik dárejesin anyqtaý arqyly sot qabyldaıtyn bolady.