Atyraý oblysy koronavırýstyń jańa tolqynyna daıyn - Mahambet Dosmuhambetov
NUR-SULTAN. QazAqparat - Atyraý oblysynyń medıtsınalyq mekemeleri koronavırýstyń jańa tolqynyna daıyn. Bul týraly búgin Atyraý oblysynyń ákimi Mahambet Dosmuhambetov aıtty, dep habarlaıdy QazAqparat tilshisi.
Ortalyq kommýnıkatsııalar qyzmeti alańynda ótken baspasóz máslıhaty barysynda Mahambet Dosmuhambetov óńirdegi koronavırýs ınfektsııasyna qatysty ahýaldyń turaqty ekendigin aıtty. Onyń dereginshe, oblysta dárigerlerdiń jetispeýshiligi úshten birge qysqardy. Jumysqa 93 jas maman tartylyp, olardyń 35-i aýdandarǵa jiberildi. Іndetpen kúrestiń aldyǵy shebinde júrgen barlyq medıtsına qyzmetkerlerine 2 mlrd teńgeden astam ústemeaqy tólendi.
«Densaýlyq saqtaý salasynda materıaldyq-tehnıkalyq bazany nyǵaıtýda aýqymdy jumys júrgizilip jatyr. Bıyl 7 nysannyń qurylysy aıaqtaldy. Juqpaly aýrýlarǵa arnalǵan tósek-orynnyń 8,1 paıyzy ǵana bos emes. 46 naýqas em alýda jáne onyń 2-eýi reanımatsııada jatyr. COVID-19-dyń jańa tolqynyna daıyndyq aıasynda oblysta 2 080, onyń ishinde 120 reanımatsııalyq tósek-oryndyq 12 statsıonar ázirlendi. Atyraýda 200 tósek-orynǵa arnalǵan modýldik juqpaly aýrýlar aýrýhanasynyń qurylysy aqıataldy. Jyldyń sońyna deıin Jylyoı aýdanynyń Qulsary qalasynda 200 tósek-orynǵa arnalǵan modýldik statsıonar qurylysynyń aıaqtalatyndyǵy josparlanǵan», - dedi óńir basshysy.
Mahambet Dosmuhambetovtiń aıtýynsha, oblysta 4 MRT apparaty, 12kompıýterlik tomografııa apparaty, 668 ottegi kontsentraty, 256 ókpeni jasandy aparatty bar bar. Jyl sońyna deıin taǵy 51 ókpeni jasandy jeldetý apparaty jetkiziledi. Óńir jedel járdem kólikterimen 100 paıyz qamtamasyz etilgen. 5 mobıldi dıagnostıkalyq medıtsınalyq keshen shalǵaı aýdandarynyń turǵyndaryna medıtsınalyq kómek kórsetip júr.
