Atyraý oblysy boıynsha Kóliktik baqylaý ınspektsııasynyń basshysy para alý kúdigine ilikti

NUR-SULTAN. QazAqparat - Atyraý oblysy boıynsha Sybaılas jemqorlyqqa qarsy qyzmet QR Qylmystyq kodeksiniń 366-babynyń 2-bóligi boıynsha QR Indýstrııa jáne ınfraqurylymdyq damý mınıstrligi Kólik komıtetiniń Atyraý oblysy boıynsha Kóliktik baqylaý ınspektsııasynyń basshysyna qatysty sotqa deıingi tergeý júrgizýde. Bul týraly QR Sybaılas jemqorlyqqa qarsy is-qımyl agenttiginiń jedel-tergeý qyzmetiniń nátıjeleri týraly ótken onlaın brıfıngte aıtyldy, dep habarlaıdy QazAqparat tilshisi.

«Ol 2019 jylǵy 25 qazanda kásipkerden júk tasymalyna ruqsat berý jáne jalpy qamqorlyǵy úshin 150 000 teńge kóleminde para alǵan. Inspektsııa basshysy 2017 jyldan bastap qazirgi ýaqytqa deıin belgilengen tyıymǵa qaramastan, jaqyn týysynyń atyna tirkelgen arnaıy avtotehnıkany jalǵa berý boıynsha jeke kásipkerlik sýbektisin basqarýǵa qatysqandyǵy anyqtaldy. Sondaı-aq bul jeke kásipkerge jeńildikter men qamqorlyq kórsetken», - deıdi QR Sybaılas jemqorlyqqa qarsy is-qımyl agenttigi 1-shi departamentiniń asa mańyzdy ister jónindegi tergeýshisi Danııar Bıǵaıdarov.

Onyń aıtýynsha, sotqa deıingi tergeý jalǵasýda.

«Kinálilik dárejesi týraly túpkilikti sheshimdi sot shyǵarady», - deıdi ol.