Atyraý oblysy aýmaǵyndaǵy tas joldy sý shaıyp ketti
Aqtóbe-Atyraý-Astrahan respýblıkalyq mańyzy bar tas jolyn sý shaıyp ketti, dep habarlaıdy QazAqparat tilshisi.
Nur-Sultan. QazAqparat - Atyraý oblysy boıynsha tótenshe jaǵdaılar departamentiniń málimetinshe, búgin saǵat 18.00-den bastap atalǵan jol avtokóliktiń barlyq túrleri úshin jabylǵan.
«1 sáýir kúni saǵat 17.30-dan bastap Aqtóbe oblysy aýmaǵynda A-27 Aqtóbe-Atyraý-Astrahan respýblıkalyq mańyzy bar avtojolynyń 246-330 shaqyrymy aralyǵynda sýdyń shaıýyna baılanysty jol qozǵalysyna ýaqytsha shekteýler qoıyldy. Sol sebepten A-27 Aqtóbe-Atyraý-Astrahan tas jolymen Aqtóbe oblysynyń aýmaǵyna shyǵýdan bas tartýlaryńyzdy suraımyz», – delingen departament habarlamasynda.
Sondaı-aq Aqtóbe-Atyraý-Astrahan respýblıkalyq mańyzy bar avtojolynyń 330-337 shaqyrymy aralyǵynda (Qyzylqoǵa aýdany Saǵyz aýyly - Aqtóbe oblysynyń shekarasy) qozǵalys toqtatyldy.
