Atyraý oblysy ákiminiń qabyldaýyna 41 turǵyn keldi

ATYRAÝ. QazAqparat –Atyraý oblysynyń ákimi Mahambet Dosmuhambetovtiń jeke qabyldaýyna 41 turǵyn keldi, dep habarlaıdy QazAqparat.

Keshe oblys ákimi Mahambet Dosmuhambetovtiń turǵyndar aldynda bergen esebinde áleýmettik máselege qatysty kóp suraq qoıyldy. Sondaı-aq, ákimniń jeke qabyldaýyna suranýshylar da kóp boldy.

«Halyqqa esep bergennen keıin jeke qabyldaýyma jazylǵan azamattarmen júzdestim. Qabyldaýǵa ár túrli máselemen kelgen 41 adamnyń suraqtaryna jaýap berdik. Olarmen kezdesýge orynbasarlarym, oblys ákimdiginiń basqarma basshylary men qala ákimdigi ókilderi de boldy. Zań sheńberinde sheshiletin problemalarǵa qatysty tıisti mamandarǵa tapsyrma berildi. Túnniń bir ýaǵyna deıin menimen birge otyryp, halyqtyń saýalyna jaýap bergen áriptesterime alǵysymdy bildiremin», dep jazdy oblys ákimi Facebook-tegi paraqshasynda.