Atyraý oblysy ákiminiń eks-orynbasaryna qandaı aıyp taǵylyp otyr
Atyraý qalalyq №2 sotynda atalmysh qylmystyq iske qatysty sot otyrysy bastaldy. Іstiń fıgýranttary retinde oblys ákiminiń burynǵy orynbasary Nursáýle Saılaýova men bilim basqarmasynyń birqatar sheneýnigi ótip jatyr. Sot eks-sheneýnikke qandaı aıyp taǵylyp otyrǵanyn atap ótti. Naqtyraq aıtqanda, oǵan QR Qylmystyq kodeksiniń 189-baby 3-bóligi 2 tarmaǵy (qyzmet babyn paıdalana otyryp, senip tapsyrylǵan bótenniń múlkin ıemdený nemese talan-tarajǵa salý), 362-baby 4-bóligi 3 tarmaǵy (Bılikti nemese laýazymdyq ókilettikterdi asyra paıdalaný), 366-baby 3-bóligi 1 tarmaǵy (qorqytyp alý jolymen para alý) boıynsha aıyp taǵylýda.
Eske sala ketsek, budan buryn Atyraýda oblystyq bilim basqarmasynyń basshysy men onyń sybaılastary ustalǵany habarlanǵan bolatyn. Atyraý oblysy boıynsha Sybaılas jemqorlyqqa qarsy is-qımyl ulttyq bıýrosy departamentiniń málimetinshe, sottyń sheshimimen oblystyq bilim basqarmasynyń basshysy Qaıyrǵalı Kenjeǵalıev pen onyń orynbasary Roza Qabdolova, sondaı-aq N.Tilendıev atyndaǵy Kishi óner akademııasy janyndaǵy daryndy balalarǵa arnalǵan mektep-ınternatynyń bas býhgalteri Nazymgúl Májitova eki aıǵa qamaldy.
Osy oqıǵanyń artynsha Atyraý oblysy ákiminiń burynǵy orynbasary Nursáýle Saılaýova eki aı merzimge ýaqytsha oqshaýlaǵyshqa qamaýǵa alyndy. N. Saılaýova 5 mln teńgeden astam para aldy degen kúdikke ilingen. Tergeý nusqasy boıynsha, para oblys ákiminiń orynbasaryna bes mektep-ınternattyń ashanasyna jıhaz jetkizýge kelisimshart jasaý úshin berilgen.