Atyraý oblysy ákiminiń eks-orynbasaryn áshkereleýge kómektesken atyraýlyq 12 mln teńge syıaqy aldy

ASTANA. QazAqparat - Atyraý oblysy ákiminiń burynǵy orynbasaryn áshkereleýge kómekteskeni úshin oblys turǵyny 12,2 mıllıon teńge syıaqy aldy. Bul týraly QazAqparat Antıkorǵa silteme jasap habarlaıdy.

«Bul paranyń jalpy somasynyń 10% quraıdy. 2022 jyly barlyǵy 40,6 mıllıon teńgege 134 azamat kótermelendi. Eń úlken syıaqy kólemi Atyraý jáne Qyzylorda oblystarynda berildi. Sybaılas jemqorlyq qylmystardy ashýǵa járdemdesetin azamattardy kótermeleý qaǵıdalaryna sáıkes tólemder azamattar habarlaǵan adamdarǵa qatysty sot úkimi shyǵarylǵannan keıin júrgiziledi. Sonymen qatar, Sybaılas jemqorlyqqa qarsy qyzmet aqparat berýshilerdiń tolyq qupııalylyǵyn qamtamasyz etedi», -delingen habarlamada

Aǵymdaǵy jyldyń 3 qańtarynan bastap azamattardyń bul sanaty kýágerlerdi qorǵaý baǵdarlamasyna túsedi. Sybaılas jemqorlyq faktisi týraly kez kelgen azamat 1424 telefony boıynsha Antıkordyń Call-ortalyǵyna habarlaı alady nemese jumys kúnderi saǵat 9:00-den 17:00-ge deıin ár aýmaqtyq departamenttiń Antikor Ortalygy-na bara alady.