Atyraý oblysy ákiminiń burynǵy orynbasary eki aıǵa qamaldy

ATYRAÝ. QazAqparat - Atyraý oblysy ákiminiń burynǵy orynbasary Nursáýle Saılaýova eki aı merzimge ýaqytsha oqshaýlaǵyshqa qamaýǵa alyndy. Bul aqparatty oblystyq sottyń baspasóz hatshysy Boranbaı Ǵalıev rastady, dep habarlaıdy QazAqparat.

Eske sala ketsek, N. Saılaýova 5 mln-nan teńgeden astam para aldy dep kúdiktelýde. Tergeý nusqasy boıynsha, para oblys ákiminiń orynbasaryna bes mektep-ınternattyń ashanasyna jıhaz jetkizýge kelisimshart jasaý úshin berilgen.

Budan buryn habarlanǵandaı, Atyraýda oblystyq bilim basqarmasynyń basshysy men onyń sybaılastary ustaldy. Qazir oblystyq Bilim basqarmasynyń basshysy Qaıyrǵalı Kenjeǵalıev pen onyń orynbasary Roza Qabdolova, sondaı-aq N.Tilendıev atyndaǵy Kishi óner akademııasy janyndaǵy daryndy balalarǵa arnalǵan mektep-ınternatynyń bas esepshisi Nazymgúl Májitova qamaýda otyr.

Avtor: A. Sokolov