Atyraý oblysy ákiminiń birinshi orynbasary men basqarma basshysy 2 aıǵa qamaldy

ATYRAÝ. QazAqparat – Atyraýda sot aımaq ákiminiń birinshi orynbasary men basqarma basshysyn eki aıǵa tutqyndaý týraly sheshimdi maquldady, dep habarlaıdy QazAqparat oblystyq sottyń baspasóz qyzmetine silteme jasap.

Sot Atyraý oblysy ákiminiń birinshi orynbasary Nurlan Taýbaev pen oblystyq qurylys basqarmasynyń basshysy Tımýr Basarovty 2 aı qamaýǵa alý týraly sheshimdi maquldady. Olar tergeý ızolıatoryna qamaldy.

«Qylmystyq is QR QK 366-babynyń 4-bóligi boıynsha tergelip jatyr. Eger olardyń kinási dáleldense, olarǵa 80 eselengen para mólsherinde aıyppul salynady nemese múlki tárkilenip, 10 jyldan 15 jylǵa deıin bas bostandyǵynan aıyrylady» dep habarlady oblystyq sottyń baspasóz hatshysy Boranbaı Galıev QazAqparat tilshisine.

10 qyrkúıekte N.Taýbaev pen T.Basarov 182 mıllıon teńge kóleminde para aldy degen kúdikpen ustalǵan bolatyn.