Atyraý oblysy ákimdiginde jemqorlyq táýekelderin azaıtý jaıy talqylandy
Óńirlik kommýnıkatsııalar qyzmetiniń habarlaýynsha,kún tártibinde sybaılas jemqorlyqqa qarsy qoldanylatyn sharalar, memlekettik satyp alýlar ótkizý kezindegi buzýshylyqtar, Memlekettik qyzmetshiniń ádep kodeksin saqtaý týraly máseleler qaraldy.
Oblystyq jer qatynastary basqarmasynyń basshysy Álibek Ermekqalı, oblystyq kásipkerlik jáne ındýstrıaldy-ınnovatsııalyq damý basqarmasynyń basshysy Aıqyn Eleýsizov, QR MQІjSJQІQ agenttigi Atyraý oblystyq departamentiniń basshysy Toqtamys Jumaǵulov, ishki memlekettik aýdıt departamentiniń basshysy Meńdihan Luqpanovtar baıandama jasady.
Spıkerler sybaılas jemqorlyq táýekelderine júrgizilgen taldaý qorytyndysyn, aldyn alý sharalary men memlekettik qyzmet kórsetý sapasyn arttyrý boıynsha jasalyp jatqan jumystar jaıynda habarlady.
Aımaq basshysy memlekettik organdar men halyq arasyndaǵy ózara baılanysty jolǵa qoıýǵa baǵyttalǵan jumystarǵa oń baǵa berdi. Sonymen qatar, quqyqtyq mádenıetti kóterý, túsindirý jumystarynyń ádis-tásilderin jetildirý, memlekettik organdar jumystarynyń tıimdiligin arttyrýǵa qatysty problemalarǵa nazar aýdardy.
«Búgin kóterilgen máselelerdiń bári mańyzdy. Osy ózekti problemalarǵa jiti nazar aýdarýymyz kerek. Ár memlekettik qyzmetshi aldyna qoıylǵan mindetti adal, sapaly atqarýy tıis. Sol kezde ǵana sybaılas jemqorlyq táýekelderin aldyn ala anyqtaı alamyz. Memleket basshysynyń tapsyrmasy boıynsha memlekettik organdar men halyq arasyndaǵy keri baılanysty retke keltirý jumystary júrýde. Memlekettik qyzmet kórsetý kezinde memlekettik qyzmetshilerdiń halyqpen tikeleı baılanysyn azaıtýǵa qol jetkizýimiz qajet, sol kezde bıýrokratııalyq kidirister de azaıar edi», - dedi Nurlan Noǵaev.
Jınalys sońynda Atyraý oblysynyń ákimi barlyq memlekettik organdardyń basshylaryna turǵyndardyń aryz-shaǵymdaryna ýaqytyly nazar aýdarýdy tapsyrdy. Sol kezde keri baılanys ornap, halyqqa memlekettik saıasattyń naqty sharalary men nátıjelerin jetkizýge múmkindik bolady.