Atyraý oblysy ákimdigi oqýshylardan armandaryn qaǵazǵa túsirýdi surady
ASTANA. QazAqparat - Atyraý oblysy ákimdiginiń Feısbýktaǵy paraqshasynda oqýshylarǵa arnalǵan erekshe habarlama paıda boldy. Aımaq basshysynyń baspasóz qyzmeti jas órenderdi armandaryn qaǵazǵa túsirip, poshta arqyly ákimdikke jiberýdi suraǵan.
«Dostaryńa, jaqyndaryńa, aýylyńa, kósheńe óziń qandaı jaqsylyq jasaýdy armandaısyń? Olarǵa nendeı nárseler kerek? Jaqyndaryńa kómektesý úshin óziń ne istep jatyrsyń jáne ne istegiń keledi? Osylardy jaqsylap oılan. Sodan soń sol armandaryń men maqsattaryńdy qaǵazǵa túsirip bizge jiber», - delingen habarlamada .
Ákimdik ókilderiniń aıtýynsha, bul bastama oqýshylardy armandaýǵa, aldynda maqsat qoıyp sol baǵytta jumys isteýge úıretedi. Olar hatty Atyraý oblysy ákimi apparaty baspasóz qyzmeti bólimine joldaýdy suraǵan.
«Biz seniń hatyńdy mindetti túrde oqımyz. Sen sekildi armanshyl, maqsatshyl jastyń bar ekeni bizge úlken úmit, zor qýanysh syılaıdy», - dep jazylǵan habarlamada.
