Atyraý oblysy: 10 aıda sheteldik tirkeýdegi kólik apatynan 17 adam qaza bolǵan
Oblystyq polıtsııa departamenti baspasóz qyzmetiniń aqparatyna qaraǵanda, jol-kólik oqıǵalarynyń deni ózge memleketterdiń tirkeýinde turǵan avtokólikterdi basqarǵan júrgizýshilerdiń kinásinen 62 jol-kólik oqıǵasy tirkelgen.
«Bıylǵy 10 aıda shetelde tirkelgen kólikterdiń qatysýymen bolǵan jol-kólik oqıǵasynan 17 adam qaza tapty. Al, 75 adam dene jaraqatyn aldy. Osy kezeńde sheteldik tirkeýde turǵan avtokólikter 4 096 márte jol júrý erejesin buzdy», - dep habarlady departamenttiń baspasóz qyzmeti.
Sońǵy kúnderi Atyraý oblysynda Reseı Federatsııasynyń tirkeý esebinen shyǵarylǵan 20-dan astam avtokólik anyqtalyp, arnaıy turaqqa qoıylǵan.
«Kólikte kórshi eldiń memlekettik nómiri bolsa da, sol jaqta tirkeýde turmaǵan kólikter az emes. Mundaı avtomobılderdi tirkeýge qoıǵannan keıin ǵana paıdalanýǵa bolady. Onyń ishinde sheteldik kólikter urlanǵan nemese buǵatta turǵan bolsa, onda tárkilenip, ıesine qaıtarylady. Qazaqstan aýmaǵynda jalǵan tirkeý nómiri men qujaty bar 100-den astam reseılik avtokólik anyqtalǵan. Osyndaı kólikti satyp alǵan adam ony Reseıde tirkeýde tur dep oılaıdy. Eger kólik senimhatpen nemese saqtandyrý polısi negizinde satylsa, ıesi kólik salyǵyn tóleımin dep kez kelgen ýaqytta odan bas tartady. Al, qazaqstandyq júrgizýshi jol apatyna tússe, saqtandyrý tólemin ala almaıdy», - dep málim etti departamenttiń baspasóz qyzmeti.
Eske sala ketelik, budan buryn Atyraýda tek bir kúnde 1,8 mln teńge aıyppul tólemegen 7 júrgizýshi ustalǵanyn jazǵan bolatynbyz.