Atyraý oblystyq soty eks-ákim Bergeı Rysqalıevti sotqa shaqyrdy
«Atyraý oblystyq qylmystyq ister jónindegi mamandandyrylǵan aýdanaralyq soty Atyraý oblysynyń burynǵy ákimi Bergeı Sáýlebaıuly Rysqalıevtiń uıymdasqan qylmystyq isine qatysty basty sot talqylaýyn aıaqtady. B. Rysqalıevke QR Qylmystyq kodeksiniń 176-babynyń 4-bóliginiń «a, b» tarmaqtarynda, 177-babynyń 3-bóliginiń «a, b» tarmaqtarynda, 192-1 babynda, 235-babynyń 4-bóliginde, 235-1 babynyń 4, 5-bóliginde, 307-babynyń 4-bóliginde, 311-babynyń 5-bóliginde kórsetilgen qylmystyq quqyq buzýshylyqtardy jasady degen aıyp taǵylǵan», - dep málimdedi sottyń baspasóz qyzmeti.
Atyraý oblystyq qylmystyq ister jónindegi mamandandyrylǵan aýdanaralyq soty protsess qatysýshylaryna sot jaryssózine kelýge 2019 jylǵy 14 qańtardyń tańyna deıin merzim berilgeni habarlanǵan.
Burynǵy ákim B. Rysqalıevpen birge, qazir Qazaqstan aýmaǵynan tysta, sotqa kelmeı júrgen A. Rysqalı, R. Albakasov, M. Jeldibaev, E. Іzbasar, N. Julmaǵambetov, A. Súleımenov jáne A. Danevıchter de syrttaı sotqa tapsyryldy.
«Sottalýshylardyń barlyǵyna QR Qylmystyq-protsestik kodeksiniń 330, 383 jáne 384-baptaryna sáıkes, olardyń sot jaryssózderine qatysýǵa, sondaı-aq sońǵy sózin aıtýǵa quqyly ekeni túsindiriledi. Bul úshin olar belgilengen ýaqytta Atyraý oblystyq qylmystyq ister jónindegi mamandandyrylǵan aýdanaralyq sotyna kelýi tıis», - delingen habarlamada.
Avtory: A. Sokolov