Atyraý oblystyq ІІD-niń bastyǵy kazınoda mıllıondaǵan dollar utylǵany ras pa
ASTANA. QazAqparat - QR Іshki ister mınıstrligi Atyraý oblystyq ishki ister departamentiniń bastyǵy A.Dúısembaevtyń qatysy bar vıdeoǵa túsinikteme berdi, dep habarlaıdy QazAqparat tilshisi.
QR ІІM resmı ókili Almas Sadýbaevtyń aıtýynsha, vıdeodaǵy oqıǵa 2014 jyldyń qazan aıynda bolǵan.
«Sol ýaqytta Atyraý oblystyq ІІD bastyǵynyń birinshi orynbasary laýazymynda bolǵan Dúısembaev dosymen, otbasylarymen birge Mınsk qalasynda bolǵan. Dosy óziniń tanysynyń shaqyrýymen oıynhanalardyń birine barǵan. Alaıda, jubaıy qarsylyq tanytyp, joldasyn qumar oıynnan bas tartqyzý úshin oıynhanaǵa Dúısembaevty shaqyrǵan jáne osy jaıt sońǵysynyń atalǵan jerde barýyna sebep bolǵan», - dedi ol.
Resmı ókildiń sózine qaraǵanda, Dúısembaev qumar oıyn oınamaǵan. Oǵan 2014 jyldyń qazanynda arnaıy júrgizilgen tekserý sharalary dálel bola alady.
Aıta keteıik, sońǵy ýaqytta taralǵan vıdeo materıalda Dúısembaevtyń oıynhanada qomaqty qarjydan utylǵandyǵy aıtylady.
