Atyraý oblystyq bilim basqarmasynyń basshysy men sybaılastary qamaýǵa alyndy
Atyraý oblysy boıynsha Sybaılas jemqorlyqqa qarsy is-qımyl ulttyq bıýrosy departamenti habarlaǵandaı, sottyń sheshimimen oblystyq bilim basqarmasynyń basshysy Qaıyrǵalı Kenjeǵalıev pen, onyń orynbasary Roza Qabdulovany, sondaı-aq N.Tilendıev atyndaǵy kishi óner akademııasy janyndaǵy daryndy balalarǵa arnalǵan mektep-ınternatynyń bas esepshisi Nazymgúl Májitovany eki aıǵa qamaýǵa alý túrindegi bultartpaý sharasy qoldanylyp, tergeý oqshaýlaǵyshyna qamaldy. Olarǵa qatysty QR QK 189-baby 4-bóligi 2-tarmaǵy boıynsha sotqa deıingi tergeý jumystary júrip jatyr.
Eske salaıyq, Atyraý oblystyq ákimdiginde bilim basqarmasynyń basshysy Qaıyrǵalı Kenjeǵalıevtiń ustalýyna qatysty túsinik bergen edi. Taıaý ýaqytta ákimdiktiń barlyq basqarmalarynda ishki aýdıt júrgiziledi.
Avtor:
A. Sokolov