Atyraý oblystyq aýrýhanasyndaǵy 230 oryndyq ınfektsııalyq statsıonar jabyldy
Oblystyq densaýlyq saqtaý basqarmasynyń baspasóz qyzmeti taratqan aqparatqa qaraǵanda, sońǵy kúnderi koronavırýs ınfektsııasyn juqtyrýshylar azaıdy. Osyǵan baılanysty oblystyq aýrýhanadaǵy 230 oryndyq ınfektsııalyq statsıonardy jabý týraly sheshim qabyldanǵan.
Oblystyq aýrýhananyń bas dárigeri Erbol Imanǵalıevtiń aıtýynsha, mundaǵy ınfektsııalyq statsıonar shilde aıynda ashylǵan. Sol sebepten, aýrýhanaǵa naýqastardy josparly qabyldaý toqtatylyp, 6 bólimshe basqa aýrýhanalarǵa aýystyrylǵan.
«Pandemııa bastalǵannan beri bizdegi statsıonarda 446 naýqas emdeldi. Onyń bári ınfektsııalyq statsıonardan aýyr halde túsken edi. Keshe statsıonardan 4 naýqas emdelip shyqty. Olarǵa pnevmonııa jáne ókpe qabynýy dıagnozymen emdeý sharasy júrgizildi. Al, 5 naýqas endi aýrýhananyń basqa bólimshesinde ońaltýdan ótedi», - deıdi Erbol Imanǵalıev.
Basqarmanyń baspasóz qyzmetiniń málimetinshe, búgin, 15 qyrkúıekte kardıologııa ortalyǵy men temirjol aýrýhanasynda, sondaı-aq, kolledjderdiń eki jataqhanasyndaǵy ınfektsııalyq statsıonarlardy jabý kózdelip otyr.
Eske sala ketelik, buǵan deıin Atyraýda 2 jasar bala koronavırýstan jazylyp ketkenin jazǵan bolatynbyz.