Atyraý oblystyq ákimdigi bilim basqarmasy basshysynyń ustalýyna baılanysty túsinik berdi
ATYRAÝ. QazAqparat - Atyraý oblysy ákiminiń birinshi orynbasary Serik Shápkenov bilim berý basqarmasy basshysynyń ustalýyna baılanysty túsinik berdi, dep habarlaıdy QazAqparat.
Memlekettik organdar basshylarymen ótken apparat jıynynda Atyraý oblysy ákiminiń birinshi orynbasary aımaqtyń ótken jylǵy áleýmettik-ekonomıkalyq damýyna qorytyndy jasady, sondaı-aq, 2019 jylǵa naqty tapsyrmalar júktedi.
Sonymen qatar, jınalys barysynda Serik Shápkenov qazirgi tańda bilim berý basqarmasynyń birneshe qyzmetkeriniń, sondaı-aq basqarma basshysynyń ustalýy boıynsha málimet baryn aıtyp ótti.
«Qazirgi tańda tekserý jumystary júrip jatqandyqtan biz bolǵan jaǵdaıǵa tolyqqandy baǵa bere almaımyz. Kúdiktilerdiń kánisin sot anyqtaıdy. Alaıda, atqarýshy organ tarapynan osy jáne ózge de memlekettik qyzmetkerdiń qyzmettegi adaldyǵyna kúmán týǵanynyń ózi bizdi beı-jaı qaldyrmaıdy. Sebebi, jemqorlyqpen kúres - bizdiń jumysymyzdaǵy eń basty tapsyrma, sondyqtan biz osyndaı jaıttar oryn almas úshin bar kúshimizdi salatyn bolamyz, - dedi S. Shápkenov.
Serik Shápkenovtiń aıtýynsha, jýyq arada oblystyq ákimdikke qarasty barlyq basqarmada ishki aýdıt júrgiziletin bolady.
«Іshki aýdıt bóliminiń qyzmetkerleri barlyq basqarmaǵa kirip, memlekettik satyp alý qujattaryndaǵy jáne ishki qujattardaǵy zańnyń saqtalýyn jiti tekseretin ári talqylaıtyn bolady. Eger qandaıda bir basqarma nemese soǵan qarasty uıymdarda tártip buzýshylyq oryn alatyn bolsa, arnaıy sharalar qabyldanatyn bolady», - dedi S.Jambyluly.
