Atyraý munaı jáne gaz ýnıversıtetiniń stýdentteri QMG kásiporyndarynda tájirıbeden ótedi
Іs-sharaǵa Atyraý oblysynyń ákimi Serik Shápkenov, «QazMunaıGaz» UK AQ Basqarma tóraǵasy Maǵzum Myrzaǵalıev, S.Ótebaev atyndaǵy Atyraý munaı jáne gaz ýnıversıtetiniń rektory Gúlzada Shakýlıkova men ýnıversıtettiń professor-oqytýshy quramy, QMG enshiles uıymdarynyń basshylary qatysty.
Kezdesýde QMG men Atyraý munaı jáne gaz ýnıversıteti arasynda ǵylymı-akademııalyq baǵytty damytýǵa qatysty yntymaqtastyq pen ózara túsinistik týraly memorandýmǵa qol qoıyldy.
Atalmysh qujatta kadr daıyndaý, stýdentterdiń ónerkásip nysandarynda óndiristik tájirıbeden ótýi, stýdentterge ınjenerlik-tehnıkalyq mamandardyń mentor bolýy, fakýltetterdiń zerthanalyq jáne tájirıbelik-konstrýktorlyq ınfraqurylymyn damytý boıynsha kompanııa men joǵary oqý orny arasynda tyǵyz baılanys ornatý máseleleri kórinis tapty.
Sonymen qatar kezdesýde ýnıversıtettiń «QMG Injınırıng» kompanııasymen yntymaqtastyǵynyń perspektıvalary talqylandy. «QMG Injınırıng» ǵylymı zertteý júrgizý quraldaryn paıdalana otyryp, munaı-gaz salasynyń tutas kesheni boıynsha óndiristik-tehnıkalyq taldaý jasaıdy.
Budan bólek, taraptar ǵylymı zertteýlerdi ken oryndarda synaqtan ótkizý, sondaı-aq ǵylymı kadrlardy QMG-niń enshiles kásiporyndarynda óndiristiń qoldanbaly mindetterin sheshý protsesine tartý máselelerin de qozǵady.
«Búginde Atyraý munaı jáne gaz ýnıversıteti — salalyq bilim berýdiń flagmany, Atyraý oblysynyń ǵana emes, basqa da óńirlerdiń ónerkásip kásiporyndaryna kadr daıyndaıtyn ustahana. Ulttyq kompanııa retindegi mindetimiz — teorııa jaǵynan jaqsy daıyndalǵan ǵana emes, sonymen qatar óndiris oryndarynda tájirıbe alǵan bilikti mamandardy daıarlaýǵa qoldaý kórsetý. Biz bul baǵytta yntymaqtastyq ornatýǵa ashyqpyz. Qol qoıylǵan Memorandým bul qyzmetke jańa serpin beretinine senimdimin», — dedi QMG basshysy M.Myrzaǵalıev.
