Atyraý munaı óńdeý zaýytynyń burynǵy dırektory qamaýǵa alyndy
NUR-SULTAN. QazAqparat - «Atyraý munaı óńdeý zaýyty» JShS-nyń burynǵy bas dırektory Shýhrat Danbaı ustaldy, dep habarlaıdy QazAqparat Qarjylyq monıtorıng agenttigine silteme jasap.
«Agenttiktiń Atyraý oblysy boıynsha aýmaqtyq departamenti «Atyraý munaı óńdeý zaýyty» JShS-nyń burynǵy bas dırektory Sh.A. Danbaıǵa qatysty QR QK-nyń 189-babynyń 4-bólimi 2-tarmaǵymen, ıaǵnı Atyraý MÓZ-na qajetti qurylǵy alýǵa bólingen aqsha qarajatyn jymqyrý deregimen sotqa deıingi tergeý júrgizilýde. 16 aqpanda Sh.Danbaı Qylmystyq-protsestik kodekstiń 128-babyna sáıkes ustalyp, Atyraý qalasy Polıtsııa basqarmasynyń ýaqytsha ustaý ızolıatoryna qamaldy», - delingen habarlamada.
Sotqa deıingi tergeý júrgizilýde, ózge aqparat Qylmystyq-protsestik kodekstiń 201-babyna sáıkes jarııalanýǵa jatpaıdy.
