Atyraý munaı óńdeý zaýytynyń 700 qyzmetkeri vaktsına saldyrdy
ATYRAÝ. QazAqparat – Atyraý munaı óńdeý zaýytynyń 700-den astam qyzmetkeri vaktsına saldyrdy, dep habarlaıdy QazAqparat.
«AMÓZ» JShS-niń baspasóz qyzmetinen málim etkendeı, kásipory men merdiger mekemelerdiń 700-den astam qyzmetkeri «Spýtnık V» vaktsınasyn saldyrǵan. Bul – kásiporyn qyzmetkerlerdiń shamamen 30%-y. Al, 160 qyzmetker vaktsınanyń ІІ komponentin alyp otyr.
«Men únemi jumysta bolamyn. Kásiporynnyń ınjenerlik-tehnıkalyq quramymen, merdiger mekemelerdiń qyzmetkerlerimen tyǵyz baılanysta jumys isteımin. Sondyqtan, COVID-19 ınfektsııasyna qarsy ekpe saldyrdym. Jappaı vaktsınalaý ǵana qaýipti vırýstyń taralýyn toqtatady. Vaktsına jaqyndarymyzdyń densaýlyǵy men óz qaýipsizdigimizge alańdamaı, qalypty jumys kestesine oralýǵa kómektesetinine senemin» -deıdi munaıdy tereń óńdeý óndirisiniń bastyǵy Abat Ábilhaıyrov.
Eske sala ketelik, budan buryn Atyraý oblysynda vaktsına saldyrǵan adamdar sany 44 myńnan asqan bolatyn.
